Lehkhabu bawm : Mizo hmeichhiate thuziak lakkhawmna bu tlangzarh

ZUBAAN publishers, New Delhi leh SASAKAWA PEACE FOUNDATION, Japan project hnuaia buatsaih, Mizo hmeichhiate thuziak hrang hrang lakkhawmna bu, 'The Keepers of Knowledge:Writings from Mizoram' chu nimin khan Aijal Club terrace-ah tlangzarh a ni.

He hun hi ZUBAAN founder director Urvashi Butalia leh a thawhpui pahnihten an rawn hmanpui. ZUBAAN publisher hi India rama feminist publishing house hmasa ber a ni. Lehkhabu editor-te hi Hmingthanzuali leh Mary Vanlalthanpuii te an ni a, Mizo hmeichhiate kutchhuak hrang hrang - poetry, short story, essay, translation leh lemziakte pholan a ni.