'Awm lo ta la' music video kan nghak chhuak ta

Nikum December thlaa Ware­house Cafe-a a zaina video clip tawite a darh aṭangin Mizo mipuite'n an nghahhleh em em Sangtei Khuptong hla 'Awm lo ta la' music video chu nizan khan ama official YouTube channel-ah thlira ngaihthlak theih turin a chhawp chhuak ta.

K Hminga hla phuah 'Awm lo ta la' hi thla thum liam taah khan a lyric video tihchhuah a ni tawh a, hei ringawt pawh hian thlirtu maktaduai 1.3 chuang a nei der tawh a; lyric video tihchhuah a nih hma hauh hian a hla thunawn ringawtin social media a luah hneh zia kan hriat tlan kha. Social Media lama Sangtei follow-tute chuan he hla music video nghakhleltu an tam zia hi an hre awm e.

Nikuma Warehouse cafe-a show an neih zawh hnu lawk khan Sangtei hi a damloh chhunzawm avangin music video tihchhuah vat an tum pawh chu hun eng emaw chen an tikhawtlai a, tunah an tichhuah thei ta hi Sangtei pawh a lawm hle. Music video hi Danny Murray-a direct sak a ni.

A damloh hnu hian a eizawnna hmun Mumbai lam a pan lehnghal a ngai ta si a, chuvang chuan music video pawh hi a peihfel lawk thei lo. Hripui lengin khawvel a tibuai a, Sangtei music video thar tur pawh hi a nghawng zingah telin lockdown a nih avangin shooting a nei lawk thei lo a ni. Mahse lockdown tlema thlah zalen a nih tak avangin shooting hi Mumbai lamah hian a nei thei ta a ni.

Music hi hla phuatu K. Hminga siam a ni a, voice recor­ding hi Sangtei hian Mumbai lamah a lo nei thung a, chutiang teh nawk karah chuan harsa takin an puitlin ta a ni.

K Hminga hian ngaisangtu leh a hla hluttu a ngah a, chung zingah chuan Sangtei Khuptong pawh hi a tel.

Sangtei chuan,"K Hminga hi ka ngaisang hle a, a hla ka ngaihthlak hian kan duhzawng a inang dawn tih ka hriat avangin hla min phuahsak turin ka ngen tawp a. Chuan a hla lo neih tawh sa 'Awm lo ta la' tih hi min ngaihthlak tir hnuah min saktir a ni. Amah vangin 'original' hla ka nei ve thei a, a chungah ka lawm hle a ni," tiin a sawi a ni.

Ngaihzawngte 

tan chauh ni lo se