BTS 'Fake Love'-in thlirtu a ngah

K-pop band lar berte zinga mi BTS hla 'Fake Love' chuan YouTube-ah thlirtu  701,722,256 a nei tling tawh.

'Fake Love' hi kum 2018 May 18-a an tih­chhuah kha a ni a, inṭhen­na lam hawi niin, a hla thupui hian a hla kalphung chu a sawi chiang hle.

BTS hla tihchhuah tawh zingah chuan 'DNA' khan thlirtu a ngah ber a, 992,289,020 chuangin an thlir tawh. Halsey an thawhpuina nikum April thlaa an tihchhuah 'Boy With Luv' chuan thlirtu 790,572,258 a nei tling tawh bawk a, he hla phei chuan darkar 24 chhunga thlirtu nei tam ber record a siam hial a ni.

June 14 hian virtual concert neih leh an tum a, he an concert neih tum hi Bang Bang Con: The Live tih a ni ang.