32nd Lelte Award sem a ni ta : Song of the Year-ah ‘Min lo kai ang em’ leh ‘Ka pa Khuma’

Mizo music award hlun ber, 32nd Lelte Award 2023 chu Ningani leh Zirtawpni zan khan sem a ni ta. Song of the Year atan Gospel-ah fam ta, Joseph Zaihmingthanga hla 'Min lo kai ang em' thlan niin, Lengzemah Saiwanah hla 'Ka pa Khuma' thlan a ni bawk.

Ningani zanah Gospel catogery hi sem a ni a, Zirtawpni zanah Lengzem category sem a ni thung. Gospel lamah Jonathan Lianhna chuan award pahnih, Song Composer award leh Music Video award a dawng a, Lengzem lamah Saiwanah chuan award pahnih, Song of the Year leh Song Composer of the Year a hum haw bawk a ni.