Bradley Cooper-a'n conductor lem a chan tur kum 6 chhung zir

Netflix biopic, 'Maestro'-a Jews composer Leonard Bernstein-a lem a channa atan six-piece music conduct dan chu kum ruk chhung zet a zir tih Bradley Cooper chuan a sawi.

He film-ah hian Ely Cathedral-a 1976 London Symphony Orchestra conduct a ngai a, hei hi live-a tih a ngaih avangin a tir aṭangin a huphurhin a inbuatsaih nasa hle tih Cooper chuan a sawi. 'Minute ruk leh second 21 chhung conduct dan tur khan kum ruk chhung ka zir a ni," a ti. Baton nena Bernstein-a style ang taka a zir chhuah theihna kawnga a zirtirtu ṭha tak takte chungah a lawm hle tih a sawi bawk.