Lollapalooza India 2024 headline-ah Sting leh Jonas Brothers

Multi-genre music festival, Lollapalooza chu nakkum January 27 leh 28 hian Mahalaxmi Race Course, Mumbai-ah neih a ni dawn a, he festival headline tur hian British singer-songwriter Sting leh American pop group Jonas Brothers-te ruat an ni.

Line-up pawh puan an ni tawh a, perform tur zingah hian Halsey, One Republic, Keane, Lauv, The Rose leh Erin Nam te pawh an tel. India aṭangin The Raghu Dixit Project, When Chai Met Toast, Prabh Deep leh Parekh & Singh-te pawh an perform dawn bawk.

Lollapalooza festival hi Chicago aṭanga bul ṭan a ni a, khawvela music festival lian ber zinga mi a ni. Kumin khan India chu Asia ram zingah he festival thlengtu hmasa ber niin Mumbai-ah neih a lo ni tawh a, mi 60,000 vel zetin an chhim a ni. A ṭum hnihna atan Mumbai hian nakkumah a thleng leh dawn a ni.