Oscars host tur Jimmy Kimmel

Film industry lama chawimawina sang leh ngaihhlut, Academy Awards, Oscars tia sawi lar host turin 'Jimmy Kimmel Live!' show host chu thlan a ni.

96th Annual Academy Awards hi nakkum March 10 hian Dolby Theatre, Ovation Hollywood-ah sem a ni ang.

Jimmy Kimmel hian Oscars hi a host vawi li-na tur a ni a, kum 2017, 2018 leh 2023-ahte a lo host tawh. Nilaini khan The Academy chuan host atana Jimmy Kimmel thlan a nih thu hi official-in an puang a, Kimmel pawhin Instagram lamah host tura thlan a ni leh chu a phur thu leh, a lawm thute a sawi lang bawk.