Google-in TikTok sawichhiatna review a paih hnem

Google chuan an Play store-a TikTok negative review mak­taduai chuang a paih. TikTok rating hi 4.5 a nih laiin zan khat thil thuah 1.2 star-ah a tlahniam a ni.

Video-sharing plat­form lar tak hi India mi pakhatin acid hmanga inbeihna fiamthu video a post hnuah nasa takin negative review an pe a, a post-tu hian ngaihdam dilin TikTok pawh hian a video hi an paih nghal a ni. Google chuan TikTok sawichhiatna review pekna atan hian mi tam tak chuan account lem an siam tih a tarlang.

Heti chung hian review rating hi a la hniam hle tho a, 2.9 star chiah a la hmu phak tho.

TikTok month-on-month in-app purchase revenue hi a pung nasa hle a, April thla chhung khan non-gaming app-ah chuan revenue hmu hnem ber niin  analytics firm Sensor Tower chuan a tarlang. An revenue 86.6% hi chu China aṭanga an lakluh a ni a, US chuan dawtin 8.2% chiah a ni thung a, China hi an sang fal hle a ni.