McCartney-a'n Beatles right neih a tum

The Beatles member la dam zinga an khaipa deuh ber, Sir Paul McCartney chuan US-a The Beatles music leh thil tihchhuaha a share neih tumin hma a la mek.

Hman ni lawk khan Michael Jackson-a rosum enkawltute chuan a rights chu Sony/ ATV Music-ah an hralh a, hemi hnu aṭang hian Paul McCartney hian hma a la nghal a ni. The Beatles-in US Publishing Rights an neih aṭanga ama share-te thunun dan tur a ngaihtuah. A bikin ama hla 32 te chu neih let tumin McCartney hian hma a la. US Copyright Act of 1976-ah chuan zaithiam la damte chuan kum 56 hnuah an publishing rights te an nei let leh thei ang tih a ziak a, hemi dan tlawhchhan hi kum 73 mi hian hma a la chho mek.