Obama vangin Rolling Stones concert an sawn hla

Rock band daihrei Rolling Stones chuan Barack Obama an ngam lo sak sak hle mai, Rolling Stones hi Cuba khawpui, Havana-a concert tur an ni a, mahse Obama hian an concert hun turah Cuba a tlawh avangin an concert hun tur an sawn hla.

Rolling Stones hian zanin hian Havana-a Ciudad Deportivo-ah concert neih an tum a, inbuatsaihna pawh an peih tawh. Mahse Obama chuan ni thum châmin, Pathianni aṭang khan Cuba hi a tlawh a, hei vang hian an concert neih tur hi an sawn a ngai ta a ni. Obama-a'n Cuba a tlawh hi kum 88 hnua US president-in Cuba a tlawh hmasak ber a ni.

Obama ang bawkin Rolling Stones hian Cuba-ah history an siam dawn a, kum 1959-a communist ram a nih aṭanga Cuba-a rock band concert hmasa ber tur an ni. Rolling Stones concert en leh chhim tur hian mi nuai nga vel an kalkhawm an ring.