Asterix siamtu Albert Uderzo Covid-19 vangin a thi

TikTok lamah kan tleirawl hoin Mizo hla, mi la hriat vak ngaih loh, a thunawn chauh ni si phunremin video an siam nasa a; chung video comment-tute chuan eng hla nge hriat an chak. Chu hla satu Jt Production ngei mai chuan Thawhṭanni khan YouTube-ah lyrics video a dah chhuak ta a, zan hnih chhungin mi sing nga dawnin an thlir hman.

Jt Production hla thar hi 'Zan khat a tan chauh' tih a ni a, June 1-a a album tlangzarh tur 'Chithlum' a mi tur niin a album thar pawh hi a ngaihnawm dawn tih a chiang.

'Zan khat a tan chauh' tih hi a viral tak avang hian a tum loh deuhin a tichhuak tih Lalnunzawma Jongte (Jt Production) chuan Vanglaini a hrilh a, hetichung hian tunkar chhunga Mizo hla ngaihthlak hlawh ber a ni hial awm e.

'Chithlum' album-ah hian hla 10 vel a dah dawn a, bonus track pakhat a dah dawn bawk. YouTube-a a hla dahchhuah eng emaw zat chuan thlirtu nuai chuang a nei thei a, chumi vang chuan a album tihchhuah thar tur pawh hi nghakhleltu an tam ang tih a chiang.