IIIrd Sovereign Europe-ah an album an zuar

Mizoram band-ah chuan hei bak bak a awm chuang dawn em ni tih tur khawpa hlawhtlinna chu death metal band kan neih ṭhat IIIrd Sovereign chuan an thleng. India market-ah mai ni tawh loin Europe-ah an album an tichhuak tawh dawn.

IIIrd Sovereign album thar ber 'Perversion Swallowing Sanity' chu Spain lama music label The Horror Domension neitute beng a verh a, anni hian Europe-a IIIrd Sovereign album tihchhuah theihna tur phalna an bawhzui a, Europe-a a thehlar hna an thawk dawn a ni.

'Perversion Swallowing Sa-nity' hi Transcending Obscurity India-a tihchhuah a ni a, India-a death metal music ngainatuten
ṭha an tih leh an fak em em album a ni. The Horror Dimension hian Transcending Obscurity India-ah hian Europe-a tihchhuah phalna an dil a, an inthlunzawm ta a ni. Transcending Obscurity India-in music released-a ram dang an thawhpui hmasa ber a ni bawk.

Perversion Swallowing Sanity album hi Third Sovereign full length album pahnihna a ni a, kumin January 15-a tlangzarh kha a ni a, hla pakua a awm; an album hmasa ber hi 'Destined to suffer' a ni. India-a tlangzarhtu Transcending Obscurity India phalnain European edition siam a ni a, hei hi Europe-ah zawrh chhuah a ni dawn. Third Sovereign-ah hian Vedant chu an vocalist a ni a, Benjamin chu guitarist niin, bassist hi Jonah a ni a, an drummer chu Reuben a ni. Extended play pahnih an lo ti-chhuak tawh bawk a, kum 2006 khan Horrified Visions an tichhuak a, kum 2008 khan Deprived Sere-nity an tichhuak tawh bawk.