MPSC Challenge Inter College Quiz Zaninah Semi Final

MPSC Challenge Inter College Quiz Competition 2016-ah Thawhlehni zan khan Quarter Final zawh a ni a, khawpui chhung college aṭangin Pachhunga University College chiah an tlang a, thingtlang khaw lian college pathum - Champhai, Serchhip leh Kolasib College ten semi final an lut.

Zanina Semi Final neih turah hian Champhai College leh PUC te an intum ang a, Kolasib leh Serchhip College te an inhmachhawn bawk ang. Zan dar 8 aṭanga ṭan tur a ni ang a, LPS 10 leh Zonet Rihnimah te a pulunga tihchhuah tur a ni.

MPSC Challenge Inter College Quiz Competition 2016 hi Career Point Coaching Academy-in an sponsor a ni a, MSU buatsiah a ni. Pakhatnain Rs. 40,000 an dawng ang a, pahnihnain Rs. 20,000 an dawng ang a, semi finalist ten Rs. 8000 ve ve an dawng ang. Hei bakah hian certificate leh trophy pek an ni bawk dawn a ni.