Cassette an intihhmuh leh ṭan

CD leh digital lama khawvel a tlân a, cassette chu thil hlui leh hmanlai anga keini ram kilkhawra miten kan ngaih mek laiin, khawthlang ram lamah chuan cassette an uar leh ṭan mek zawk!

A bikin US leh Britain-ah chuan cassette album siam an tam sawt leh ta hle a, cassette hralh pawh a kal leh hle tawh zawk a ni. Justin Bieber-a album hit 'Purpose' te pawh cassette edition siam a ni a, Kanye West-a album Yeezus te pawh cassette-in siam leh a ni. Tunhnaiah zaithiam
ṭhenkhat chuan digital tel loin, cassette chauha album tichhuak an awm chho leh ta fur mai.

UK bikah hian kum 2007 kha cassette hralh tlem ber kum a ni a, copy 205,000 chauh hralh a ni a, hemi hnu aṭang hian cassette hralh a pung chho leh mek. Nikum kha chuan cassette hralh hi copy maktaduai 2.1 zet a tling leh tawh.