Cardi B-in rimawi aṭanga chawlh a lak loh thu a sawi

Grammy Award winning femcee, Cardi B chuan rimawi aṭanga chawlh a lak loh thu leh, social media aṭang chauhin chawlh a la zawk tih a sawi.

Rimawi a chawlhsan rih dawn nia thuthang awm chungchang chu kum 31 mi, 'WAP' hitmaker hian X-ah a rawn sawi fiah. "Rimawi aṭang chawlh lak ka tum lo, social media erawh kar rei vak lo ka chawlhsan rih a ni. Hetiang thu an lo sawina chhan hi ka hre bik lo," a ti. September thla khan Cardi hian social media chuan a tibuai nia sawiin, a chawlhsan rih tur thu hi a lo sawi tawh a ni.