Bieber-a a t-shirt vangin Marilyn Manson-a'n a elsên

T-shirt-a thu inziak avang ringawt hian lungawi lohna lian tak a awm thei a, lawmna pawh a awm thei a, chu chu Justin Bieber-a t-shirt aṭang hian a chiang; rocker Marilyn Manson chuan Bieber hi a elsën zui ve ngat!

Justin Bieber hian tour apparel ṭhahnem tak a nei a, chung zinga pakhat, 'Purpose' tour a neih a, stage-a a rawn hak chhuah chuan Marilyn Manson thin a khei zak mai, Instagram lamah chhânna a hmu nghal.

Bieber hian a tour-ah hian t-shirt, a hnung 'Bigger Than Satan' tih inziak a ha a, hei hian Setanic nia inchhal Marilyn Manson a hawlh zak mai a, Marilyn Manson hian Zirtawpni khan 'Bigger than Bieber' tih t-shirt inbelin, Instagram-ah a thlalak a rawn phochhuak ve lehnghal. Tunhnai khan he mite pahnih hi Los Angeles-ah an lo inbakkaih deuh hlek tawh bawk a, hei vang hian an pahniha inkar boruak hi a sang hma hle.

'Bigger Than Satan' t-shirt hi Jerry Lorenzo design a ni a, ani hian 'Fear of God' clothing line a siam a, t-shirt-ah Pathian thu leh Kristianna lam thu tarlangin, tunlai hian a thawmhnaw tih-chhuahten ngaihhlut a hlawh hle a ni.