Kim Kardashian-in a rihna a hloh nasa

Naute a'n nei chho kha chu mawi lo khawpin a thau ve lah tak reng a, amahah a leng dawn lo emaw tih hial tur a ni. Khami hnu khan Kim Kardashian chu a inhrêk tak tak a, thla thum chhungin kg 19 zetin a rihna a hloh hman.

A nutritionist chuan hemi tura a inhrêk dan chungchang a sawi. "Fiber tamna carbohydrates lam hlir a ei a, chu chuan a thisena sugar lut chak lutuk tur a timuang a, white rice aiah brown rice a ei a, alu aiah bahra a ei bawk. Dessert-ah pawh sugar telna chu peh hel zelin Splenda a ei ṭhin," a ti.

Kim hian cheese a ngaina hla a, a inhrêk chhung hian cheese leh bawnghnute aṭanga siam thilte a tlem thei ang ber a ei. A rihna hloh tur hian ni khatah calorie 1,800 vel chauh a taksaah a lalut.