Kar liam ta khan N. America-ah Divergent Series: Allegiant an tichhuak a, mahse beisei a pha lo nasa hle a, hei vang hian Lionsgate chu a hlauthawng a, Divergent movie hnuhnung ber tur pawh ruahmanna thar an siam phah.
The Divergent Series: Ascendant an siam ṭan leh mek tawh a, a chhuah hun atan June 19, 2017 an ruahman a, he ni-ah hian World War Z 2 leh The Mummy reboot te tihchhuah tum a ni. Allegiant chet ṭhat vak loh avangin Lionsgate chuan ruahmanna thar siamin, Ascendant budget pawh a titlem nghal.
Kar kaltaa Allegiant an tihchhuah hi Divergent an tihchhuah tawh zingah sum lalut tlem ber a ni a, USD mtd 29 chauh US-ah hian a lalut a, Divergent hmasa ber, kum 2014-a tihchhuah khan opening week-ah USD mtd 52 a lalut a, Insurgent khan USD mtd 54 a lalut. Tuna Ascendant budget a tihhniamna chhan ber chu tihchhuah an tum hunah tak movie lian dang pahnih an tihchhuah dawn bawk vang a ni pakhat. World War Z kha duhthusamin hlawhtling lo mah se, Brad Pitt channa zombie film World War Z 2 hi hlawhtling tura beisei a ni a, The Mummy hi a chhuah hlim phat aṭanga hlawhtling tawh kha a ni a, an siamṭhat leh tur pawh hian box office chu nghawrnghing hle turah an ngai.
Divergent series movie hi Veronica Roth novel 'Divergent' aṭanga siam a ni

A hmasa ber Divergent khan March 2011 aṭanga buaipui&nbsp;ṭan a ni

Khawvel lo la awm zel tura mihring nun leh khawtlang nun awm dan tur nia ngaih suangtuahna aṭanga din chhuah a ni

Veronica Roth hi Kristian a ni

A lehkhabu ziak hi Kristiante thlirna aṭanga a suangtuah a, a ziak niin a sawi