Inter-College quiz final

MPSC Challenge Inter-College Quiz chu zanin hian final a ni tawh dawn a, Serchhip leh Champhai College te an inhmachhawn dawn. Semi final-ah Champhai hian Pachhunga University College an hneh a, Serchhip hian Kolasib College an hneh bawk. MPSC Challenge Inter-College Quiz hi Career Point-in a buatsaih a ni a, pakhatnain Rs. 40,000 an dawng ang a, pahnihnain Rs. 20,000 an dawn bakah, trophy leh certificate an dawng ve ve ang. Champion team hi Career Point chuan a thlawnin free coaching an kaltir bawk dawn a ni. Quiz hi LPS 10 leh Zonet Zawlbukah te a pulunga pek chhuah a ni ang.