Thla ruk hnuah Ramhlun N YMA

Hmanlai zai leh tunlai music chawhfina 'Thanglunghnemi Zai' aṭang kan hriatlar Ramhlun North Branch YMA chuan thla ruk zet an buaipui hnuah music video thar 'Kut Zai - Hrangchhawni Rechheih Zai' chu an rawn tichhuak ta. Ramhlun North Branch YMA music video Hrangchhawni Rechheih Zai hi Ramhlun North Branch YMA te hian zawrh chhuah an tum lo a, a duh tan Youtube-ah download theihin an dah dawn a, en duh tan lo zawn ve tawp mai tur a ni. Recording hi CTJ Recordings-ah tih a niin video hi Asanga Dosel Videography kutchhuak a ni.