Ṭhazual Award 2023 : Perform turte an phur; an inbuatsaih ngawrh

Mizo music award ngaihven hlawh, 9th annual Ṭhazual Award 2023 a hnai ta. He huna perform turte pawhin hla an zir ngawrh tawh hle, mipuite mit leh beng titlai turin theihtawp an rawn chhuah leh dawn.

November 23, Ṭhazual Gospel Award zanah hian Tumtumi, Maruati, Duhsaki, Zorema Khiangte, Jonathan Lianhna, Mali (Praise On winner), Ruati (Voice of Salvationist), Isaac (Praise On) leh Arini te an perform dawn. Lengzem Award, November 24 zanah Ruatpuii, Sangtei Khuptong, Lilac, Young Fella, Evenflow, Mary Dawngi & SaiWanah, Saka & Hmangaihi, H.O.M (Lude) leh David Darlong-te an rawn che dawn bawk a ni.

Performer-te hian House band hoin hla an zir ngawrhin an uluk hle. Ṭhazual Award-ah perform pui tak tak kan hmu leh ngei dawnin a lang a, a nghahhlelhawm tawh hle.