Aizawl-ah Somany Showroom hawng

Lena Plastic House dawr siam thar, Somany Exclusive Showroom, Bawngkawn, Sairang road a mi chu nimin khan Somany Cermics Ltd. Vice President Kumar Mohanty-in a hawng.

Kumar Mohanty chuan Somany chu kum 1971 a din ṭan a nih thu sawiin, 'Bul kan ṭan tirh chuan lianthamin kan ṭan lo a, kan ṭhang chho zel a ni. India ramah showroom 400 chuang kan neih tawh bakah, ram pawn hmun 65 ah kan thil siam chhuahte hi kan thawnchhuak,' a ti. Lena Plastic House neitu Baby Lalduhawmi chuan Somany thil siam hmangte chuan an zawngchhang thu a sawi a, 'Showroom-ah chuan engmah duplicate zawrh a nih ve loh avangin mipui tan pan a man hla bik,' a ti a, uluk taka chhut tan chuan Silchar leh Guwahati-a lei aiin Mizoram chhunga lei mai a hlawk zawk tih a chian thu a sawi.