Billboard Music Awards 2023-ah Morgan Wallen a ropui ber

Billboard Music Awards 2023 chu Pathianni khan sem a nia, country music star Morgan Wallen a ropui ber.

Morgan Wallen hian trophy 11 zet a hum haw a, a dawtah nomination hmu hnem ber Taylor Swift awmin, a ni pawhin award 10 a la bawk.

Kum 39 mi, singer/songwriter Wallen hi Top Male Artist, Top Hot 100 Artist, Top Streaming Songs Artist, Top Country Artist, Top Country Male Artist leh Top Country Touring Artist -ah thlan a ni a, heng bakah hian 'One Thing at Time' album chu Top Billboard 200 Album leh Top Country Album lakpuiin, a hi 'Last Night' chu Top Country Song, Top Hot 100 Song leh Top Streaming Song-ah thlan a ni bawk a ni.

Taylor Swift chuan award 10 lain, heng zingah hian Top Female Artist, Top Billboard 200 Artist, Top Hot 100 Songwriter, Top Radio Songs Artist, Top Song Sales Artist, Top Billboard Global 200 Artist leh Top Billboard Global (Excl. U.S.) Artist award a tel. Canadian rapper, Drake chuan award panga lain, SZA leh Zach Bryan-ten pali ve ve; Beyonce Knowles, Miley Cyrus leh Bad Bunny-ten pathum ṭheuh an la bawk.

Mariah Carey chu a hla hit, 'All I Want for Christmas is You' vangin Chart Achievement Award hlan a ni a, award sem zan hian he class hi a perform nghal bawk a ni.