Box Office Champion thar 'Hunger Games' prequel

North American box office-ah champion thar a awm a, Hunger Games prequel, "The Hunger Games: The Ballad of Songbirds and Snakes" chu no. 1-ah a rawn lang. Liongate dystopian action film hian tlangzarh karah USD mtd 44 hmu chhuakin, awlsam takin a chung ber dinhmun a rawn luah.

Hetih lai hian 'Hunger Games' prequel hian an beisei erawh a pha chiah lo a, tlangzarh karah hian USD 50 vel la lut thei turin an beisei a ni. Jennifer Lawrence channa original film palite khan tlangzarh karah USD mtd 100 an hmu chhuak pha vek a ni.

No. 2-ah film thar, "Trolls Band Together" rawn lang bawkin, USD mtd 30.6 a la lut. 'The Marvels' chu a kar hnihnaah pathumnaah la awmin, USD mtd 10.2 a lak luh belh leh bawk. Top 5-ah hian tlangzarh karah USD mtd 10.2 la lut, 'Thanskgiving' leh no. 1 dinhmun pawh lo hauh tawhtu, 'Five Nights at Freddy's' a lang a, USD mtd 3.5 a lak luh belh. Taika Waititi soccer comedy, 'Next Goal Wins' chu tlangzarh karah no. 7-ah a rawn lang ve bawk.