Cuba-ah The Rolling Stones

Obama-a'n Cuba a tlawh avanga an concert hun tur an sawn hlat hnuah a hun a thleng a, Rolling Stones chuan Cuba khawpui, Havana-ah Zirtawpni zan khan concert ropui an nei a, kum 54 hnua Cuba-a rock band concert hmasa ber an ni. An concert chhim leh entu mi nuai nga vel zet an awm. Cuba hi communist ram a nih avangin mipui duhzawng leh lawmzawngte tihhlawhtlin ngawt theih a ni ṭhin lo a, tunah hian an ram kalphung a fel chho mek a, sorkar pawh a inhawng zau sawt hle a ni.