Gwen Stefani a rawn chungnung ve ta

Kum sawm chhung vel zet music solo album thar a neih loh hnuah Gwen Stefani chuan album a rawn tichhuak a, Billboard 200-ah pakhatna a rawn hauh; Billboard album chart-a pakhatna a hauh ṭum khatna a ni.

Gwen Stefani album hi 'This is what the truth feels like' a ni a, kar liam ta chhung khan copy 84,000 a hralh thei. He album hi kum 2006-a 'Sweet Escape' album a tihchhuah hnua ama pual a album tihchhuah leh hmasak ber a ni. Sweet Escape hi kar khatnaah chuan a hralh ṭha zawk hle a, copy 243,000 zet a hralh a, mahse pakhatna a hauh pha lo a, pathumnaah a awm. Hemi hma a tihchhuah 'Love.Angel.Music.Baby.' kha kar khat chhunga album a hralh ṭhat ber a ni a, copy 309,000 zet a hralh a, mahse a aia album hralh tam an awm hnem ṭum tak a lo ni a, pangana chauh a hauh thei a ni.

No Doubt band-a album an tih-chhuah, kum 1997-a mi, an lar chhuahna album 'Tragic Kingdom' kha kum 1996 khan an tichhuak a, kum 1997 kum tir thleng khan pakhatnaah, a zawn loin vawi kua a awm thei a ni.

The Voice-a thiam ber, Jordin Smith khan album a rawn siam a, chu a album 'Something Beautiful' chu pahnihnaah a rawn lang. He album hi kar liam ta chhung khan copy 54,000 zet a hralh a ni. Rihanna album 'Anti' chu pathumna a ni a, Adele '25' chu palina niin, 'Purpose' album, Bieber-a hlawhtlinna chu panganaah a la lang.

Billboard 200

"This Is What the Truth Feels Like" - Gwen Stefani (84,000)

"Something Beautiful" - Jordan Smith (54,000)

"Anti" - Rihanna (52,000)

"25" - Adele (51,000)

"Purpose" - Justin Bieber (47,000)

"Traveller" - Chris Stapleton (33,000)

"Blurryface" - Twenty One Pilots (32,000)

"The Passion: New Orleans" Soundtrack - Various Artists (31,000)

"Chapter I" - Kane Brown (28,000)

"Hymns" - Joey + Rory (27,000)