Facebook-in thupha an chawi

Lahore-a Easter Sunday-a bomb a puah khan Facebook chuan Lahore chu sawi loh, Pakistan ram chhung hrim hrima awm lo thlengin an him leh him loh zawhna a zawt a, sawisel a hlawh hle a, hemi thuah hian Facebook chuan thupha an chawi.

Lahore-a bomb puak, Kristiante tumbika tihpuahah khan mi 70 an thi a, a puah hnu lawk khan Facebook-a safte check system chu nung nghalin, Facebook hmangtute an him leh him loh zawt a, zawhna a zawhte hi Pakistan aṭanga mel sang tam taka hlaa awmte pawh an ni. Facebook enkawltute chuan hetiang hla taka mi pawhin zawhna an dawnna chhan chu Facebook-a bug vang a ni tih an sawi. Facebook enkawltute chuan thupha an chawi bakah hian an khawl lam enfel nghal vat an tum tih an sawi bawk.