FBI-in hack theih loha ngaih iPhone an hack thei ta

Khawvela phone locking system ṭha ber iPhone chu FBI ten an hack-in, Apple Inc. puihna tel hauh loin a chhunga data-te an en thei ta.

California-a hman deuha inpawng kahnaa pawikhawihtu khan iPhone a hmang a, iPhone locking system hi a siamtu, Apple ngei pawhina an khawih chhiat theih loha ngaih a ni. Pawikhawihna chhui zuinan FBI lamten an mamawh si a, rei ngial an beih hnuah an hlawhtling a, tualthattu phone an hawng thei ta.

iPhone kher ni lo, phone dangah pawh locking system hi a ṭha tial tial a, phone siamtute chuan an phone leia hmangtute privacy hi a ṭha thei ang bera vênsak an duh a, sorkar lam erawh chuan hei hi an sawisel nasa hle thung. Pawikhawihna leh dan bawhchhiatna thilah mi phone hawnsak chu thil tihmakmawh a ni a, protection a ṭhat lutuk chuan thuneitute lam tan hnuchhui a tibuaithlak thei an ti a ni. Tuna FBI-in iPhone an hawn theih takah chuan phone siamtute chuan ṭha lehzual siam chhuah an tum ngei dawn a ni.