Thawnthu inphuahsiak result puang dawn

CYMA leh AIE Construction buatsaih ‘Thawnthu Inphuahsiak’ result chu zanin dar 8:00-ah puan a ni dawn a, LPS leh Zonet-ah te live-a pekchhuah a nih dawn bakah YouTube lamah Live Stream a ni ang.

Intihsiaknaah hian ram chhung leh ram pawn hmun hrang hrang aṭangin mi 543 an tel a, uluk taka endik a nih hnuah a ṭha 10 thlanchhuah a ni.

Thawnthu 10 thlan­chhuahte hi  lekhabua siam a ni a, zanin hian tlangzarh a ni nghal ang. Lehkhabute hi lehkhabu dawr hrang hrangah lei theih a ni dawn a, a man hi Rs 300 a ni ang.

Inelna hi Mizo mipui zawng zawng huap mimal intihsiakna a ni a, chutihrualin Branch YMA thehluh tam ber hnenah Rs 5000 lawmman pek a ni dawn.

Thupui hranpa a awm lo a, a ziaktuin zalen takin a duh lam hawi zawng apiang an ziak thei a, thumal 15,000 aia tam lo tur tih a ni. Lawmman hi pakhatna Rs 70,000, pahnihna Rs 50,000 leh pathumna Rs 30,000  a ni a, top 10 chin hian consolation prize Rs 3000 ṭheuh an dawng dawn a ni.