Billboard 200 : Stray Kids-in No. 1 album pali an nei ta

Billboard 200 album chart tharah K-pop boy band, Stray Kids chuan an album thar, 'ROCK-STAR' chu no.1 rawn nihpuiin, chart-a no. 1 ni thei album pali an neihna a ni ta.

'ROCK-STAR' hian kar liam ta khan US-ah equivalent album unit 224,000 an nei pha a, heng zinga 98% chu CD sales aṭangin a ni. Stray Kids hian an album ODDINARY (in 2022), MAXIDENT (2022) leh 5-STAR (2023)-te chu no. 1 an lo nihpui tawh bawk.

Taylor Swift '1989 (Taylor's Version)' chu no. 2-ah a tla thla a, equivalent album unit 159,000 a nei. No. 3-ah Chris Stapleton 'Higher' a rawn lang thar bawk a, album chart-a top 3 ni pha album a neih pangana a ni. Drake 'For All the Dogs' chu no. 4-ah tla thlain, Morgan Wallen 'One Thing at a Time' chuan Top 5 a rawn khar.

Jungkook 'Golden' chu a kar hnihnaah no. 6-ah a tla thla a, Taylor Swift 'Midnights' erawh no. 9 aṭangin no. 7-ah a rawn kai chho thung. No. 1 pawh lo ni tawh, Bad Bunny 'Nadie Sabe Lo Que Va a Pasar Manana' chu no. 8-ah a tla hniam tawh a, newcomer Christ Brown '11:11' chu no. 9-ah rawn lang tharin, Zach Bryan self-titled album chu Top 10-ah a la lang chhunzawm zel bawk.