Mizo hla a phuah hmasak ber nen Guru Gee

Hla pakhat hmanga mite hriat rawn hlawh chho, Guru Gee chuan music video thar a rawn nei dawn e. Zanin dar 7:00 hian a YouTube channel-ah tih chhuah a ni ang.

Guru Gee MV thar hi 'I tan ka hlan' tih a ni dawn a, Mizo hla a phuah hmasak ber niin, a chunga thil thleng a phuahna a ni. A hla thu a kalpui dan pawh a ulukin a ngaihlu hle tih a sawi. Mizo lunglen tel tho siin, country lam pawl lek lek a ni a, belhchian a dawl hle rin a ni. He hlaah hian Bza nen thawkdunin, music track lamah Bza hian Furtados School of Music-a thawk mek, SR Malsawmtluanga a thawhpui bawk. A video hi Tea Video Production kut chhuak a ni dawn a, audio hi Blue Wave Records-a an record a ni thung. A hla thar hi streaming platform hrang hrangah stream theihin a awm nghal dawn bawk a ni.