Country music black superstar hmasa ber Charley Pride Covid-19 vangin a thi

Country music artist zinga mihrang lar hmasa ber nia sawi Charley Pride chu kum 86 mi niin a thi.

Public relations firm 2911 Media chuan Pride thih thu hi nem nghetin December 12 khan Dallas- Texas-ah Covid-19 vangin a thi a ni, an ti.

Charley Pride hi Novem­ber 11-a sem 54th Annual CMA Awards-ah pawh khan la inlanin Jimme Allen nen 'Kiss An Angel Good Mornin" an la sa dun a, CMA-a a tel vang hi niin mi ṭhenkhat chuan an ngai a ni.  

CMA Awards-a in­lan zawng zawng kha Covid-19 test uluk taka neih a nih hnua inlan chauh an ni a, ṭhenkhat inlan tura an tih, Covid-19 vanga inlan ta lote pawh an awm hial a ni.

Kum 1966-1987 kha a lar vanglai niin  Billboard Hot Country Songs chart-ah top hit 52 lai a ni a, chung zinga 30 chu No.1 a ni hial. CMA 1971-ah khan Entertainer of the Year-ah thlan a lo ni tawh a, kum 2000 khan Country Music Hall of Fame-ah lakluh a ni bawk.

Rimawi lama a lar piah lamah hian professional baseball player a ni bawk a, album pawh 40 chuang a tlangzarh hman a, Gospel album pawh pahnih a tichhuak hman a ni.