Box Office No. 1-ah 'Hunger Games' prequel awm chhunzawm

North American box office-ah 'Hunger Games' prequel, "The Hunger Games: The Ballad of Songbirds and Snakes" chu a kar hnihna atan no. 1-ah a la awm chhunzawm.

Lionsgate dystopian action film hi film chhuak tharte pawhin an rawn luahlan zo lo. A kar hnihnaah hian USD mtd 28.8 lak luh belh leh. Tlangzarh karah khan USD mtd 44 la lut thei mah se, a franchise-a tlangzarh kara sum la lut tlem ber a ni.

Joaquin Phoenix channa, 'Napoleon' chuan domestic chart-a a chung ber dinhmun hauh thei lo mah se, beisei aiin a che ṭha a, USD mtd 20.4 a la lut thei. Ridley Scott-a direct, war epic hian khawvel huapin USD mtd 78.8 a la lut tawh. Disney film thar ber, 'Wish' chu no. 3-ah awmin, USD mtd 19.5 a la lut ve bawk. International-ah USD mtd 49 a la lut tawh bawk.

No. 4-ah USD mtd 17.5 la lut,"Trolls Band Together" a awm a, 'Thanksgiving' chu tla hniamin kar liam ta khan USD mtd 7.3 chauh a lak lut belh a, Top 5 a rawn khar.