'Venom 3' chang chhunzawm leh ṭan

Tom Hardy chuan hun eng emaw chen an chawlh hnuah, 'Venom 3' an chan chhunzawm leh ṭan thu a sawi.

Instagram-a a post-ah, Tom Hardy chuan film an chan chhunzawm leh thei ta chu lawmawm a tih thu a sawi a, film director Kelly Marcel fakin, a director hi a chhuan thu pawh a sawi lang bawk.

Hollywood actor-te nawrh avangin film chan lai tam tak chawlh a ngaih phah a, heng zingah hian Venom 3 pawh hi a tel. Actor-te'n nawrh an tihtawp hnuah, Sony Pictures chuan Venom 3 tihchhuah hun tur sawn hlat a nih thu hi an rawn puang ve nghal a ni. A tirah chuan nakkum nipui laia tihchhuah hman tum a ni a, mahse, November 8, 2024-ah an sawn a ni. Venom film hmasa pahnihte kha an hlawhtling hle a, 2018-a tihchhuah Venom film hmasa ber khan USD 856 la lutin, 2021-a chhuak a film pahnihna khan USD mtd 502 a hmu chhuak bawk. Hardy hi journalist Eddie Brock leh parasite Venom-ah a rawn chang chhunzawm leh dawn a ni.