Taylor Swift-i'n King Charles Coronation-a sawmna a hnar

Taylor Swift chuan Britain lal, King Charles III lallukhum khumtir ni-a zai tura sawmna a hnar.

Nakkum May thlaa King Charles Coronation-a perform tura sawmna a hnarna chhan hi Royal reporter lam chuan an sawi lang lo a, mahse, Taylor hi "Eras Tour" programme a lo duan lawk tawh avangin a remchang lo nia sawi a ni. King Charles coronation concert hi London-ah May 7-ah neih a ni dawn a, hetih lai hian Swift hian May 6-ah Nashville, Tennessee-ah tour hi a neih dawn avangin a tel hman dawn lo a ni.

Coronation concert-a zai tura sawm, artist ṭhenkhatte pawhin an lo hnar tawh a, an zingah hian Adele, Harry Styles, Robbie Williams leh Spice Girls-te an tel. Ṭhenkhat chuan programme an lo neih laklawh tawh vanga hnar an nih thu an sawi.