Miss SNAI 2023 Personality-ah F.Lalrinsiami

Student Nurse Association of India (SNAI) Biennial Conference chu November 28 leh 29 khan New Delhi-a Thyagaraj Sports complex-ah neih a ni a, Miss SNAI 2023 Personality-ah F.Lalrinsiami, BN College of Nursing, Hualgohmun-a 4th year B.Sc Nursing zirlai chu thlan a ni.

SNAI Biennial Conference-ah hian Mizoram aṭangin zirlai 24 an tel a, indoor leh outdoor item hrang hrangah inelna neiin, Miss leh Mister SNAI thlan a ni. Mister SNAI-ah hian RIPANS-a 4th year B.Sc (N) zirlai Weghara M Sangma chu 2nd runner up a ni bawk. Mizoram aṭanga telte hi Synod Hospital, College of Nursing aṭangin zirlai 6, Mizoram College of Nursing -2, BN Collge of Nursing -2, RIPANS-8, Apollo School of Nursing-2, Serkawn School of Nursing-2 leh Nursing School, Lunglei aṭangin 2 an ni.