Israel chungchang a post danah Gigi Hadid-i'n ngaihdam dil

Palestinian thlah, super model Gigi Hadid chuan tun hnaia Israel sawiselna a post chungchangah ngaihdam a dil a, entirna dik lo tak a hmang a ni tiin, pawi a tih thu a sawi.

Hadid hian Instagram-ah Israel chu khawvela prisoners of war-a naupang hreng ram awmchhun a ni tiin, entirna atan Israel police-te'n Israel security guard leh Israel naupang pakhat chema a vih avanga Palestinian naupang, kum 13 mi an man thu leh, kum 12 tang tura an hrem thu te, a hnuah kum 9.5-a a tan hun an tihtlemsak chungchangte a rawn tarlang.

Mahse a thu post hian sawisel a tawk zui nasa hle a, thu dik lo leh Juda huatna thehdarh tumah puhin, sawiseltu zingah hian Israel super model Bar Rafaeli leh music mogul Scooter Braun-te pawh an tel. Israel sorkar pawhin a sawisel bawk. Hemi hnu hian Gigi hian a thu post hi a delete a, a hnuah entirna atana a rawn hman chu a dik loh thu leh, thupha a chawi thu hi a post zui leh a ni.