Kaun Banega Crorepati-ah kum 14 miin Rs vbc 1 man

India rama quiz show lar, Kaun Banega Crorepati-ah kum 14 miin Rs. vbc 1 a man a, contestant zingah Rs. vbc 1 man thei naupang ber a ni.

Amitabh Bachchan-a host, Kaun Banega Crorepati 15th edition-ah Haryana-a Mahendragarh-a Class 8 zirlai, Mayank chuan zawhna 16-te chhang dik vekin, lawmman hi a dawng a ni. Mayank hian lifeline engmah hmang loin Rs nuai 3.2 thleng a man phawt a, Rs nuai 12.5 zawhnaah lifeline hmasa ber a hmang chauh a ni. Zawhna 16-na, Rs vbc 1 a manna hi “Which European Cartographer is credited with creating the map that has the name America to the newly discovered continent?” tih a ni a, option zinga mi Martin Waldseemuller chu thlangin a chhang dik nghal a ni. Final question, Rs. vbc 7 man theihna tur pawh chhan a tum leh a, mahse, a chhang thei ta bik lo.