NewJeans-in Artist of the Year Award dawng

K-pop award, 2023 MAMA Awards chu November 28 leh 29 khan Tokyo, Japan-a Tokyo Dome-ah neih a ni. NewJeans chuan award pahnih, Best Female group leh Artist of the Year award an dawng a, kum 12 hnua girl group zinga he award dawng leh thei hmasa ber an ni. Hetih lai hian SEVENTEEN chuan award panga dawngin, award hum haw tam ber an ni thung.

MAMA Awards hi entertainment company, CEN ENM buatsaih a ni a, Mnet-ah pek chhuak ṭhin a ni. Kum 1999 aṭang khan buatsaih ṭan niin, 2010 thleng khan South Korea ram chhungah chauh award ceremony hi neih a ni ṭhin. Mahse 2010 hnu lamah hian Asia ram hrang hrangah award semna hun hi buatsaihin, Asia pawn lamah an lo thlir theih tura pek chhuah a ni tawh bawk.