BTS V-a'n 'Special Duty Team' a dil

BTS V chuan December 5 hian mandatory military service a zawm ṭan dawn a, sipaia a training-na turah hian anti-terrorism SDT, 'Special Duty Team; a dil. He team hian midang aiin training programme pawh an nei hautak zawk ṭhin.

SDT hnuaia duty hian firfiaka chetna beih let, an ram mi pawimawhte ven leh pawikhawihna lian tham thlentu man, misualte ruk bo chhanchhuah hna thawhte a huam tel. An hna a hautak avangin training pawh hi team dang aiin a hahthlak zawk ṭhin. Stamina training, special martial arts leh sniper skill-te an paltlang a ngai a ni. An training a hautak bik avangin hamṭhatna pawh an dawng ṭha bik bawk a, an base tinah gym facility ṭha ber ber leh ei tur ṭha pek an ni. V hi celebrity zingah SDT diltu awmchhun a ni bik lo a, actor/singer Park Hyungsik pawhin SDT hi lo dil tawhin, Kangwon-do base-ah training a nei mek a ni.