Mad Max prequel trailer ti chhuak

Warner Bros chuan “Mad Max: Fury Road” prequel, 'Furiosa' trailer a ti chhuak ta.

He prequel hi director George Miller-a 'Mad Max' franchise-a a pangana tur a ni a, Anya Taylor-Joy chu Furiosa lemah changin, Chris Hemsworth leh Tom Burke-te pawh an chang bawk a ni. Trailer hi Brazil-a Comic-con event lian ber, CCXP-ah an ram huna Ningani zan khan tihchhuah a ni a, he hunah hian Director hoin Taylor-Joy leh Hemsworth-te pawh an inlan a ni. He film hming tur hi “Furiosa: A Mad Max Saga,” tih a ni dawn tih an nemnghet bawk

Miller hian prequel hi a direct bakah, Nico Lathouris nen co-writer an ni bawk. Mad Max franchise an tihchhuah hnuhnung ber, Tom Hardy, Charlize Theron leh Nicholas Hoult-te channa 'Fury Road' kha a hlawhtling hle a, Academy Awards-ah nomination 10 zet a hmu. Prequel-ah hian 'Fury Road'-a film editor, costumer designer leh composer-te pawhin an hna ngai an rawn thawk leh a ni.