Ranbir Kapoor channa 'Animal' movie an fak

Bollywood star, Ranbir Kapoor channa 'Animal' chu nimin khan India bakah ram pawnah tlangzarh a ni a, review a hmu ṭha nghal hle.

'Animal' movie hi November 26 aṭang khan advance booking tihṭan niin, tlangzarh nia ticket sale nen a ni khatnaah hian Rs. vbc 100 a lak luh phak rin a ni. Central Board of Film Certification chuan 'A' rating pein, kum 18+ chin en theih tur a ni a, a film hi darkar 3 leh minute 21-a rei niin, Indian film thui ber zingah a tel. He film hi August 11-a tlangzarh tura an ruahman tawh kha a ni a, mahse, Sunny Deol 'Gadar 2' leh Akshay Kumar 'OMG 2' nen tlangzarh hun a rual dawn avangin December 1-ah an sawn a ni. Heti chung hian Vicky Kaushal channa, Sam Bahadur nen tihchhuah rual a la ni tho a ni. 'Animal'-ah hian Ranbir Kapoor bakah Bobby Deol, Anil Kapoor leh Rashmika Mandanna te pawh an chang.