Israel-a a film tihchhuah vangin Beyonce-in sawisel hlawh

Beyonce Knowles chu Israel-Hamas indo mek karah, Israel ramah a concert movie, 'Renaissance : A Film by Beyonce' a tihchhuah tel avangin sawisel a tawk a, a bikin Palestinian thlawptu lamin an bei zui nasa hle. Middle East mipuite harsatna tawh mek ngaihtuahpui duh lo leh, sum leh ropuina chauh buaipuiah an puh.

'Renaissance' hi Beyonce studio album pasarihna niin, kumin May thla aṭang khan Renaissance world tour hi a nei a, ram 12-ah show 56 a nei. A concert film a siamah hian behind-the-scenes footage bakah, a chhungte leh musician lar dangte pawh an lang a ni.

Pop star dang, Taylor Swift pawhin thla hmasa khan a concert film, The Eras Tour chu Israel-ah a lo tichhuak tawh bawk a, ani pawh hian sawisel a tawk nasa hle bawk.