‘Ferrari’ tana a sam a colour avangin Patrick Dempsey a inchhir

'Grey's Anatomy' actor, People magazine-in Sexiest Man Alive-a a thlan thar, Patrick Dempsey chuan 'Ferrari' film atana a sam ti buang (blone) tura a colour chu a inchhir hle tih a sawi. A sam a colour nasat avang hian harsatna tawkin, a sam a tlak phah nasa a, a lu lei thlengin a kang bawk niin a sawi.

'Ferrari' film-ah hian kum 57 mi, Dempsey hi Italian race car driver, Peiro Tarfuffi lemah a chang a, hemi atan hian sam buang put a ngai a ni. Sam a colour bakah, race helmet tawt tak khum a ngaih bawk avangin a sam hian a tuar hle tih a sawi. 'Sam lem lo hman mai zawk tur a ni," a ti. A movie atana sam colour leh style siam ngai chu thil harsa tak zinga mi a nih thu a sawi a ni. Mahse an duh ang takin a chhuak niin a sawi zui bawk.