A film atan Parineeti Chopra kg 15-in rih belh

Lemchang thiamte tan an lemchan thiam piah lamah, an mi chan turte ang thei tura an taksa pianhmang pawh an siam a ngai ṭhin a, a hautak ṭhin hle. Bollywood star, Parineeti Chopra pawh 'Chamkila' film an chanah kg 15-in a rih belh.

Parineeti chuan 'Chamkila' film tan hian thla ruk chhungin kg 15-a a rihna tipung tur hian junk food a ei nasa hle tih a sawi. Hei bakah thla thum chhung chu AR Rahman-a studio-ah recording a ti bawk tih a sawi. 'Chamkila' hi Punjabi artist lar, Amar Singh Chamkila chanchin behchhana siam a ni a, kum 27 mi lek a nih laiin a nupui Amarjot nen thah an ni. Tun thlengin Pubjab-ah chuan live-stage performer ṭha ber zingah chhiar tel reng a la ni a, a lemah hian Diljit Dosanjh a chang dawn a ni. He film hi Netflix-ah tihchhuah a ni dawn a, May thla khan a teaser chu an lo tichhuak tawh a ni.