The Weeknd-in Gaza chhawm-dawlna atan USD 2.5 pe

Abel 'The Weeknd' Tesfaye chuan Israel leh Hamas indona tuartu, Gaza Strip-a cheng, Palestinian-te chhawmdawlna turin USD mtd 2.5 a thawh.

The Weeknd hi UN World Food Programme Goodwill Ambassador a ni mek a ni. Ṭanpuina sum hi World Food Program USA nena thawk duna an din, XO Humanitarin Fund aṭanga pein, he a sum pek hmang hian Gaza-a Palestinian mi nuai 1.73 vel chu an kar hnih chhung ei tur an pe thei dawn a ni. The Weeknd hian a fund kaltlang hian Ethiopia rama nunau ei tur nei ṭha lote ṭanpuina tur sum USD mtd 2.5 a lo pe tawh bawk. Kum 2024-ah After Hours' til Dawn stadium tour a neih tura ticket hralh chhuahna 1% hu zel chu XO Humanitarian Fund atan hian chhun luh zel a tum tih a lo sawi tawh bawk.