Blackpink-in contract siam thar leh

K-pop superstar Blackpink chuan agency contract an siam thar leh a, an perform-ho chhunzawm leh zel thei dawn e.

YG Entertainment chuan nimin khan thuchhuah siamin, contract an siam thar leh thu hi a puang a, mahse, an inremna siam dan kimchang erawh a tarlang lo. Kum 2016-a din, Blackpink hi K-pop girl group lar ber an ni tawh a ni. YG hian group member-te mimal contract chungchang erawh a sawi lang lo a, mahse, inbiakna neih mek a ni bawk niin South Korea news agency-te chuan an sawi. Individual contract hi an renew loh chuan, solo career an kalpui thei lo a, group ang chauhin an che chhuak thei dawn a, hei vang hian individual contract pawh hi an siam leh ngei rin a ni bawk.