Hamas chungchangah Gal Gadot a ṭawng chhuak leh

Israeli actor, Gal Gadot chuan October 7-a Hamas firfiakte'n Israel an beih ṭuma mipat hmeichhiat lam hawia pawikhawihna an thlen te leh, hmeichhiate an hren mekte dinhmun hlauhawm taka an awm mek chungchangah media lam an ngawi tlat chu a dem thu a sawi chhuak.

Instagram-ah hemi chungchang hi Gadot chuan post-in,"Hmeichhiate laka tharum thawhna leh pawngsualna thlengte kan dodal tiin kan sawi a, mahse,hmeichhiate tawrhna thleng chungchangah kan ngawi leh reng si. Hmeichhiate kan thlawp ang tiin kan sawi a, a nih chuan an tan ṭawng chhuah a ngai a ni," a ti. Hei hi Israel media-te'n Hamas-te'n October 7-a Israel hmeichhiate chunga an chetdan an report chungchang, UK leh US lamin a rintlak chiah em tih an sawi a rawn chhut zuina a ni. Hollywood star langsar ṭhenkhat pawhin hmeichhiate chunga Hamas-te chet dan rawng tak tak report a awm chungchangah hmeichhe pawlte an ngawih tlat chhan hi an lo zawt tawh a, he thilah hian United Nations pawhin sawisel a tawk a ni.