'Maleficent 3'-ah Angelina Jolie kan hmu leh dawn

Disney film series, Maleficent 3-ah Angelina Jolie a chang leh dawn a, amah ngeiin a rawn sawi chiang ta.

Academy Award winner, Jolie hian a movie project neihte a sawi lang a, hetah hian 'Maleficent' hi a rawn sawi lang tel a ni a, a movie hmasa pahnih ang bawkin fairy sual taka a rawn chang leh dawn tih a sawi a, a bak erawh a sawi lang duh lo. 'Maleficent 2' hi kum 2019 khan tihchhuah niin, a film hmasa ber hi kum 2014-ah a chhuak a ni. Jolie hian 'Without Blood' film a chan zawh chiah thu sawiin, kum 2024-a tihchhuah tur 'Maria' film-ah a inlan dawn tih a sawi bawk.

Disney lam hian official chuan 'Maleficent 3' an siam chhunzawm tur thu hi an la puang lo a, mahse, Angelina Jolie ngeiin a rawn sawi lan tak avangin fan-te pawh an phur nghal hle.