Adele hnenah Sherry Lansing Leadership Award hlan dawn

Entertainment leh media lama thawh hlawkte hnena hlan ṭhin, Sherry Lansing Leadership Award chu vawiin hian British pop music superstar, Adele hnenah hlan a ni dawn.

Sawm bikte chauh telna, Los Angeles-a Entertainment breakfast gala neihah, kum 2010-a he award lo dawngtu, Hollywood star Helen Mirren chuan kumin award hi Adele hnenah a hlan dawn a, he hunah hian actress Kerry Washington Equity in Entertainment Award a dawng dawn bawk a, oscar-winning actress Ariana DeBose chuan a hlan dawn a ni.

Sherry Lansing Leadership Award hi Hollywood studio-a hmeichhe hotu nei thei hmasa ber, Sherry Lansing chawimawina atana buatsaih a ni a, he award lo dawng tawh zingah hian Charlize Theron, Jennifer Aniston, Reese Witherspoon, Oprah Winfrey, Barbra Streisand leh Viola Davis-te an tel.